Çiçek ayın 27 PK TL Semön Baranovskiyin adına üüredicilär başlankı klaslarda hazırladılar meropriyatiya, angısı baalı Dmitriy Kara Çobanın 90 Yıl Dönümünnän. Üürenicilär 4 klaslardan hazırladılar pek meraklı konţert programasımı, angısında gösterdilär halkın adetlerini, folklorunu danslarlan, türkülärlän, insţenirovkaylan, angıları açıklȇȇrlar Gagauz Halkın İstoriyasını, Ana Dilin zebelliini. Annattılar Dmitriy Kara Çobanın yaşaması için, tanıştırdılar siiredicileri onun zanaatlarınnan: yazıcı, kinocu, etnograf, bilim adamı. Yortuda pay aldılar okulun administraţiyası, üüredicilär, aaraştırıcı bilim merkezindän — Kopuşçu M.İ..
«Şükür ederim bizim üürenicilerä hem üüredicilerä başlankı klaslardan, angıları hazırladılar bu meropriyatiyayı. Nicä bizim arkadaşlarımız, türklär, deerlär «Ellerinizä saalık». Bu diil ufak bir hazırlamak, ama ama koca bir konţert oldu. Burada boş-boşa oturamȇȇrsın, için dalgalanȇr. Göreriz, ani uşaklara biraz zor geler ana dilindä lafetmää, türkü çalmaa. Uşaklar, evä gittynän, lafedin analarınızlan-bobalarınızlan gagauz dilindä, ana dilinizdä. Butürlü bizim Ana Dilimiz taa üüsek uura çıkacek, ilerleyecek hem da hiç bir vakıt unudukmayacek.», — liţeyin müdürü, Uzun S.İ.
Kutlȇȇrız hepsini Ana Dilin Yortusunnan! İlerlesin bizim Dilimiz, kulturamız, Gagauziyamız!
