“Ana dili” yortusunun programanın çevresindä, Gagauz yazısının 66-ci yıldönümü için PK Semön Baranovskiyin adına Kıpçak teoretik liţeyindä klastan dışarı literarura-muzika kompoziţiyası «Ana dilim! Toprak üzündä erin!» geçirildi. Meropriyatıyanın neetiydi kaaviletmää sevgiyi ana dilinä, ana tarafına, terbietmää saygılık hem hatırlık şannı insannarına, andırmaa M.Çakiri, göstermää ana dilinin paalılıını gagauz halkına deyni.
Hazırladı onu gagauz dili hem literatura üüredicileri metodıka komisiyası. Olayda pay aldı 2- ci klaslardan 12 – ci klaslaradan üürenicilär. Uşaklar annattı gagauz yazısının istoriya yolunu, andırdılar yazıçıları hem dil uurunda izmetçileri. Çok metin hem paalı laflar sölenildi gagauzların aydınnadıcısı hen ruh lideri için – M. Çakir için. Gözäl, şıralı ana dilindä öttü şiirlär, çalındı türkülär.
Yortuylan hepsini kutladı liţeyin direktoru Uzun S. İ.
Olay herkezinin kefini üüsek uura kaldırdı, cannarında da derindän patriotik duydularını uyandırdı.
