Hederlez ayın ( mayın) 2-dä Büük Ustanın, Gagauz literatura klasiin, yazıcının, dramaturgun, folklorcunun hem publiţıstin Nikolay İgnatyeviç Baboglunun duuma gününün 95-ci yıldönümü tamannandı. Bü üzerä, Kıpçaan Semön Baranovskiy adına PK Teoretik liţeyindä geçti maasuz uroklar. Bu uroklarlan liţeyimiz katıldı bütün Gagauziyada geçirilän uroklara. Bu gün koyuldu neet: taa derındän tanıştırmaa üürenicileri N. Baboglunun biografiyasinnan, yaratmalarınnan, yaşamak sayfalarınnan. Uroklarda çizilendi, ani N Baboglu — üstelenmäz bir laf ustası, uygun bir örnek ana dilini hem ana tarafını sevmektä. Onun nasaatları paasız oldu Gagauzluu korumakta. Bu Adamın silinmäz izi kaldı gagauz halkın istoriya sayfalarında.
